2024-mi suliffeqarnermi inissisimaffik

Suliffeqarnermi inissisimaffimmut kisitsisitigut paasissutissat ukiumoortumik saqqummersinneqartarput.

 

Inuttaasunut, suliffeqarnermi pissutsinut, inunnik isumaginninnermi ikiorsiissutinut kiisalu ilinniartitaanermi kisitsisitigut paasissutissat Naatsorsueqqissaartarfimmit saqqummersinneqartarput. Kisitsisinilu paasissutissani matumani kisitsisitigut paasissutissiorfinnit taaneqartunit paasissutissat ataatsimut tapitartuunneqarput, taamaasilluni inuttaasut suliffeqarnerup iluani inissisimaffiat tamakkiisumik takussutissiarineqarluni.

 

Inuttaasut suliffeqarnermi inissisimaffii malillugit aamma pisortanit tunniunneqartartunik isertitaqarsimaneri malillugit qaammatikkaartumik immikkoortiterneqarput. Pineqartut tamarmik immikkoortunut aalajangersimasunut, assersuutigalungu ilinniartunut tapisiaqarlutik suliffilinnut imaluunniit suliffissaaleqisunut pisortanit ikiorsiissutinik pisartagalinnut inissitsiterneqarput. Innuttaasoq qaammammi ataatsimi immikkoortuni arlalinni inissinneqarsinnaatillugu pingaarnersiuinermi malittarisassaqarpoq immikkoortumut aalajangersimasumut ataatsimut inissinneqarnissaanut qulakkeerisunik.

 

Kisitsisitigut paasissutissat piffissami ungasinnerusumi sulisinnaasunut naatsorsuinerni ilaatigut atorneqartarput, ilisimatusarnermilu aamma misissueqqissaarnermi atorneqartussatut piumaneqartarlutik.

 

Naatsorsukkani killiliineq

Innuttaasunut nalunaarsuiffimmi paasissutissat atorlugit kisitsisini naatsorsukkat killilerneqarput.

 

Innuttaasunut tamanut, innuttaasunut nalunaarsuiffimmi ukiup naanerani nalunaarsorsimasunut, novembarimi aamma decembarimi suliffeqarnermi inissisimaffik naatsorsuiffigineqarpoq.

 

Naatsorsuutinit allanit allaanerussutit

Suliffeqarnermut tunngasuni, inunnik isumaginninnermut tunngasuni aamma ilinniartitaanermut tunngasuni kisitsisitigut paasissutissanit pioreersunit naatsorsuineq annikitsunik allaanerussuteqartunik imaqarpoq. Tamanna pingaarnersiuinermi malittarisassanik, nalunaarsuiffinnik tunngaviusunik toqqartuinernik kiisalu ukiut malillugit immikkoortiterinernik ilaatigut peqquteqarpoq. Innuttaasut pillugit paasissutissat innuttaasut amerlassusaannut, ukiut malillugit agguataarneqarnerinut, nunap sumiiffiini inissisimaffiinut i.il. innuttaasut pillugit kisitsisini paasissutissani nassaarineqarsinnaapput.

 

Siuliani saqqummersinneqarsimasunit allaanerussutit

Saqqummersitsinerit allat ilutigalungit suliffeqarnermut tunngasuni, inunnik isumaginninnermut tunngasuni aamma ilinniartitaanermut tunngasuni nalunaarsuiffinni annikitsunik aaqqiissuteqartoqarpoq naatsorsuinermi matumani ilanngunneqartunik.

 

Saqqummersitamilu matumani piffissami 2016-imiit 2024-mut suliffeqarnermi inissisimaffik naatsorsoqqinneqarpoq, 2025-milu saqqummersinneqarsimasunut naleqqiullugit naatsorsuutit inernerini allannguuteqartoqarpoq.

 

Matumani 2024-mi kisitsitsit eqqumaffigikkit

2024-mi januaarip aallaqqaataani pisortanit ikiorsiissutit aamma suliffissarsiortunut ikiorsiissut pillugit inatsit nutaaq atuutilerpoq. Inatsimmik allannguinerup kingunerisaanik kommunini inatsit nutaaq malillugu allaffissornikkut ingerlatsineq unamminartoqarpoq. Taamaattumillu 2024-mi suliffissarsiortunut ikiorsiinernut pisortaniillu ikiorsiissutinut naatsorsuinerni, pingaartumik qaammatikkaartumik inunnullu agguataarinerni, unamminartoqarluni.

 

Kisitsisaataasivik

Kisitsisaataasivimmi nalunaasuutinik immikkoortitikkanik soorlu najugaq, ukiut, suiaassuseq ukiorlu malillugit nammineq toqqartuilluni aalleqartorsinnaavoq. Naatsorsuutit piffissami 2016-miit 2024-mut tassani nassaarineqarsinnaapput.

 

Misissukkat inerneri

Ataani tabelimi takutinneqarput innuttaasut novembarimi suliffeqarnermi inissisimaffiat.

 

Tabel 1. 2019-imiit 2024-mut novembarimi innuttaasut suliffeqarnermi inissisimaffii

	2019	2020	2021	2022	2023	2024
Katillugit	56.081	56.421	56.562	56.609	56.699	56.542
00 Suliffillit, annertunerusumik paasissutissaqanngitsut  ..................	26.479	26.508	27.078	27.466	27.615	27.184
01 Ilinniartut tapisiallit suliffillit  .............	1.334	1.363	1.347	1.399	1.254	1.274
02 Ilinniartut tapisiaqanngitsut suliffillit  ......	275	243	231	225	238	231
03 Siusinaartumik soraarnerussutisiallit suliffillit	177	150	146	163	133	120
04 Utoqqalinermi soraarnerussutisiallit suliffillit	316	359	357	419	438	526
05 Ernereernermi ullormusiallit suliffillit.......	407	370	317	308	245	213
10 Suliffissarsiortunut ikiorsiissummik pisartut suliffillit  ...............................	363	293	279	273	208	454
11 Pisortanit ikiorsissutinik pisartut suliffillit ..	364	294	298	227	166	69
12 Suliffillit, majoriaq.....................	144	99	83	89	83	109
20 Suliffissaaleqisut, suliffissarsiortunut ikiorsiissummik pisartut ..................	66	89	66	39	80	833
21 Suliffissaaleqisut, pisortanit ikiorsiissutinik pisartut...............................	768	797	703	576	576	50
23 Suliffissaaleqisut, ikiorsiissutinik pisartagaqanngitsut......................	291	317	233	180	223	179
30 Ilinniartut tapisiallit  ....................	1.492	1.725	1.628	1.465	1.476	1.402
31 Ilinniartut tapisiaqanngitsut  .............	148	157	174	168	149	143
32 Majoriami ilinniartut, ikaarsaariarneq.......	406	439	393	363	391	373
40 Suliffissarsiortunut ikiorsiissut...........	51	46	29	40	40	123
41 Pisortanit ikiorsiissutit.................	493	453	417	384	380	422
50 Siusinaartumik soraarnerussutisiallit......	2.185	2.223	2.427	2.308	2.321	2.362
60 Utoqqalinermi soraarnerussutisiallit  .......	3.449	3.522	3.351	3.381	3.504	3.618
70 Meeqqat inuusuttuaqqallu 15-it angullugit ukiullit................................	12.460	12.514	12.400	12.371	12.276	12.179
90 Sulisinnaasunut ilaanngitsut allat.........	4.413	4.460	4.605	4.765	4.903	4.678

Najoqqutaq: https://bank.stat.gl/SONATI1

 

Kisitsisaataasivimmi suliffeqarnermi inissisimaffimmut tunngasut paasissutissat sukumiinerusut aaneqarsinnaapput.

 

Suiaassutsit malillugit: https://bank.stat.gl/SONATI1

 

Najugaqarfiit malillugit: https://bank.stat.gl/SONATI2

 

Ilinniakkat qaffasissussaat malillugit: https://bank.stat.gl/SONATI4

 

Ukiut malillugit: https://bank.stat.gl/SONATI5